Home Movies ప్రభాస్‍ రాముడికి సీత ఆవిడేనా?

ప్రభాస్‍ రాముడికి సీత ఆవిడేనా?

7
0

ఆదిపురుష్‍ చిత్రంలో ప్రభాస్‍ రాముడి పాత్ర పోషిస్తున్న సంగతి తెలిసిందే. రామాయణం అని చెప్పకుండా అదే కథ ఆధారంగా ఓం రౌత్‍ ఈ చిత్రాన్ని తెరకెక్కించబోతున్నాడు. ఈ చిత్రంలో రావణుడి పాత్రను సైఫ్‍ అలీ ఖాన్‍ చేస్తాడని బలంగా వినిపిస్తోంది. మరి సీతగా నటించేది ఎవరు? అటు హిందీ వాళ్లకే కాకుండా దక్షిణాది ప్రేక్షకులు పరభాషా హీరోయిన్‍లా చూడని వాళ్లయితే బెటర్‍ అని ఓం రౌత్‍ భావిస్తున్నాడట.

అందుకే కియారా అద్వానీని ఈ పాత్రకు కన్సిడర్‍ చేస్తున్నాడట. కియారా అద్వానీ ఇప్పుడు నార్త్ ఇండియాలో హాట్‍ ఫేవరెట్‍. ఆమె తెలుగు వారికి కూడా సుపరిచితురాలే కనుక బెస్ట్ ఆప్షన్‍ అని భావిస్తున్నారు. అయితే వీళ్లు సినిమా షూట్‍ ప్లాన్‍ చేస్తోన్న టైమ్‍కి కియారా డేట్స్ ఖాళీగా వున్నాయా లేదా అనేది తేలాల్సి వుంది. కాని పక్షంలో సీత పాత్రకు సూట్‍ అయ్యే ఫేస్‍ వున్న హీరోయిన్‍ కోసం అన్వేషిస్తారు.

మీడియాలో కొన్ని చోట్ల కీర్తి సురేష్‍తో సీత వేషం వేయిస్తే ఎలాగుంటుందని ప్రభాస్‍, ఓం రౌత్‍ మధ్య చర్చకు వచ్చినట్టు రాస్తున్నారు. రాధే శ్యామ్‍ షూటింగ్‍ పూర్తి చేసిన తర్వాతే ప్రభాస్‍ ఈ షూటింగ్‍లో పాల్గొంటాడు. ఓం రౌత్‍ కేవలం రెండు నెలల సమయం మాత్రమే అడగడంతో నాగ్‍ అశ్విన్‍ కూడా అడ్డు చెప్పలేకపోయినట్టు సమాచారం.

LEAVE A REPLY

Please enter your comment!
Please enter your name here